Eis Si

Roumee

Eis Si

Free Download @ Bandcamp

--------------

Embryo

[Hook]

einisch isch dis läbä vrbi,

aus wird vrgässä, aus wird zu äschä

jedä wird zuefäuig geborä

u zaut dämentsprächend dr Priis

[1. Part]

ds isch roumee färn vo dim wärtesystem

z snare chlepft di u när louft dis läbä vrchehrt

du gisch dr mi text u chli valium

u reisisch idr zyt zrügg, zrügg iz embryostadium

du gspürsch die vrbundeheit ir dunkuheit

lahsch di lah tribä bis dä im fruchtwasser ungergeisch

u du treisch dis glück vor dir härä so wie z liecht vom nä anglerfisch

nüün mönet bis dä gstrandet bisch

du wachsisch u nimsch dr di ruum

bousteinä vom bewusstsi bouä säch innerlech uf

d struktur vore pyramide u du bisch dr sicher

uf dr spitzä wird dis ego de mau sitzä

visionä wi dä speter wirsch si

aues isch vrgänglech o du geisch vrbi

ig schänkä dr ä blick i mis härz

u ds lied gibi dr mit ufe wäg (mit ufe wäg)

[2. Part]

ds isch roumee färn vo dim tägleche stress

z läbä geit vrbi u d fädä vodr zyt wäbä mi text

du tröimsch vor wäut u gsehsch ds leid

du drohsch dinn z ertrinkä, d nabuschnur isch dis rettigsseil

u du weisch eines tages muesch mau loslah

warts eifach ab vilech landisch imnä woufartsstaat

vilech o nid u du muesch fr dis überläbä kämpfä

gniess dini zyt hie füesch du keni gränzä

dr läbensfunkä laht dis bewusstsi lah entfachä

es wird langsam häu u du luegsch churz dür di klappä

du stossisch ufene trurigi attrapä

u realisiersch du wirsch di suechi nid vrchraftä

du chunsch uf d wäut, fragsch di isch aues vrbi

du chasch di nid findä, du chasch di nur si

ig schänkä dr ä blick i mis härz

u ds lied gibi dr mit ufä wäg (mit ufä wäg)

---------------------

Ungerem Radar

[Part Roumee]

aues wo dir bringet isch üs sowieso egau

mir si gar nid abwäsend mir beobachte nur gnau

nid so wie di mediä wo ds mönschebiud vrmittlä

ds wemä nid jedä schäiss fiiret sött mä säch vrpissä

idä chöpf änderet nüt wemes vo obe abe macht

aber mä füeht säch gross wemä anderi vo obä abemacht

u wemä nid mitspiut het mä sowieso ke platz

u dr blick iz töife glas wird zumne bodelosefass

si dänke si heis gschafft wü si rappä und chli fame si

drbi hei si au zämä vrgässä wo si deheim si

und ig weiss ds mau nüt me i derä wäut vrblibt

was weitr über mi redä wedr ni mau wüsset wär dr säuber sit

i dire wäut bisch dr protagonischt

fr dis umfäud numä dr statischt

auso nimm di nid so wichtig

wü jedä vo üs irgendeinisch gschicht isch

[Hook Roumee & MQ]

di strahlendä gsichter si nur teil vorä spieglig

uf dr schattäsite muesch di eigetä liecht si

mir si da doch si nähmä üs nid wahr

denn mir dräie üsi rundinä nur ungerem radar

[Part MQ]

mini zilä si für mi, es isch glich was ds wird sy für öich

blyb mirä linie u drby minä prinzipie tröi

mini fröid di bybt, dr grund ds ig das mic no pack

für das bruchts weder hype no charts

wüu di wouernährti massä numä ar oberflächi chratzt

chöi bombä no chli schlafä, bis dr zorn wider erwacht

di wort stöh o für tatä doch ds wotmä nid vrstah

wed üs für diplomatä hautisch, de chunnt d botschaft o nid ah

heits wenigschtens probiert, chli textä dekodiert

operierä vrdeckt, hei lieder nid mit effektä dekoriert

si geng no nid beliebt, nie intressiert gsi dran

zviu wos losä si betroffä dür di vierti wang

sitz im bunker für so parts, s git ke punkt ufem radar

es spilä aui mit, doch schnaues nid, es unsichtbars theater

figg uf trends für meh fans, denn mir kennä dr wäg

und läbä d "ig würds nid wenis nid würklech wett"-mentalität

-----------------

Diamant

[1. Part Roumee]

we dä seisch ds d identität übr zyt hinwäg besteit

giut de z glichä o fr z lidä wo mä i säch innä treit

säg mr wie wosch di entscheidä ob di d realität tüscht

existiert mä nur solang mä säch presänt füeht?

chum mir tanzä wü mr wüssä gli isch z läbä dürä

si mini idrück mini gedankä womr entgägä chömä

üs fäut nur dr wiuä um ä kommunä z biudä

und egau wi viu dä schaffsch du chasch d schud ni tiugä

isch z läbä nur es spiu wo jede wot teil nä

und egau wi viu drufgö jede wot si teilnä

isch z lidä winä anker wemr sinkä chöimr nümmä furt

weniger isch meh doch ig ertrinkä i däm überfluss

git mr gseuschaft vor wasi söu asträbä?

ghöri nüm drzuä wüi nid zu auem ja sägä?

bisch ersch frei we dis raschter zerbrichsch

was giut no aus reau wemä aues vrgisst?

[Hook Jahmool]

ghörsch d melodie wo dis läbä singt

gsprüsch sä töif i dim härzä dinn

du bisch dr dirigänt ä diamant

jedes instrumänt spiut us dire hand

[Bridge Jahmool]

u wenn dini melodie iz spiut

de frag di was fr ä ton du aschlahsch

u wenn dini melodie erklingt

de spiu dis lied, spius fr aui

[2. Part Roumee]

giz ä sinn da usä odr steckt dr sinn tief i mir inn

isch ds wo üs ungerscheidet nur ä gschicht wo mä erfingt

irgendwie hani z gfüh dsi mi bis iz noni vrlore ha

zeigt mr öper es foti vo früechr luegi ä totä a

ws isch scho konstant irä vrgänglechä wäut

ws isch d ursach fr d entscheidig weles läbä du wäusch

ig wot z ganzä fassä doch gseh nur ä teilaspekt

isch ä handlig nur relativ zu dä wärtä vorä gseuschaft schlächt?

wie söu mä öper weckä wo säch schlafend steut?

u dä lüt klar machä z glück vo aunä wäsä isch das wo zeut?

ig mues nüt machä we fr mi aus stimmt

was fr mi normau isch wird imnä globale kontext zum wahnsinn

mi geist ä abgrund wie tief chani da no abegheiä

d Philosophie git ke antwort si cha oft nur frage steuä

mir bruchä klarheit u chöi ni ziulos drvo

aber d wäut geit kaputt u mir diskutiere üs z tod

-------------------

Im Oug vor Zyt

[Part Roumee]

ig gloubä ad wahrheit drum woti nid lügä

d stärnä am himmu si nur drohnä wo flügä

kritischi gedankä vrbreitä säch nid

si kennä mi besser aus ig

dr gross brüetsch weiss woni bi

und ig füelä geng wie meh wi d maschinä ä teil vo mir wird

kommunikation besteit nur no us nuu und eis

bis jedä widerstand im strom vor zyt ungergeit

du gloubsch ds nid de lueg dr di mönschheit a

dür wärtä und wärbig hei si üsi tröim vrksklavt

üsi frieheit vrschwindet imnä tiefä loch

steu dr vor es isch fridä doch jedä het no chrieg im chopf

aber niemer lost

wü jedä überzügt isch ds är ällei eh nid die krisä stoppt

ig wot frei si

doch ig weiss nid wiä

am liebschtä würdi eifach dr stecker zieh

[Hook Iroas]

si luegä dr zuä u du merksch eifach nüt

si optimierä u vrbesserä d lüt

aues wo du machsch wird uf d feschtplattä gheit

doch da machä mr ni mit drum stöh mr jetz da bereit

[Part Migo]

i närv mi nüm ab kids wo mitr cam vrwacklät

fiumä weni rappä und drbi gad mis konzärt vrpassä

nümm über z vis-a-vis wo geng weni mau es gspräch wet hautä

öpis imene chat vrfasst, doch füelä mi chli isoliert

u dr fortschritt isch a sich nid z problem

doch wird haut i däm system, leider niä uf mire site si

man irä bedarfswirtschaft hätt ig sofort klatscht

zu roboter im coop zu auem wo arbeitslos macht

doch iz machi fänschter uf u luegä dri

vrgissä dass wenn öpis useluegt drbi o öper useluegt drbi

mini gedankä si nid frei weni sini weiss und iri weiss

und si mir beidi z gfüh gä i müesst mir müeh gä nid irgendeinä z üsserä

um nid ällei z si miterä meinig und drum vilech eifach lieber nüt säg

ig ha es nokia wo ewig geit, und ig rüschtä mi fr d einsamkeit

[Part Iroas]

während idr ändlosgrauä schwiz d säubschtmordrate stigt

wird dini freiheit solang kürzt, bis dä läblos schaffend schwigsch

choufsch dr z neue macbook wosch iz di beschtä gadgets ha

bis irgendwenn am nächstä tag d linsä überchläbä chasch

ä kamerä am laptop, ä kamera am smartphonä

ä kamerä im ärdgschoss, doch jedi nacht ä aubtroum

während du dini frou deheim i badeschlarpä abfüüsch

gsehni vor luter kameras die stadt nüm

----------------------

Brönnendi Gedud

[1. Part]

Du liebsch dr momänt u wosch dasser bi dir blybt

doch z läbä gitr ä chlapf wes vrbi zieht

spiut dis härz vrückt

de häb di angeri wangä ono härä u schik es lächlä zrügg

d schönheit isch da du fingsch sä jedä tag

z drittä oug ligt zmitzt i däm orkan

aues isch vrgännglech drum figgi uf di charts

am hütigä mönsch fäut di spielerischi art

dr kreativ umgang mit dir u dire umwäut

d gseuschaft degeneriert wes adr kunscht fäut

füesch di nid o einsam so gfangä im chopf

u fragsch di wrum bechumi nid das woni wot

geiz dr nid genau so

aues isch überbout und ig schikä dr es rouchzeichä vo mom baukon

gang gha reisä u ner chunsch mau wider hei

u gsehsch numä no rot we d sunnä unger geit

[Hook]

ig wot dr häufä ig vrachtä di nid

du wosch immer meh du wosch aues fr di

du musch numä igseh

wedeä gisch bechunsch viu meh (bechunsch viu meh)

2x

[2. Part]

einisch chunt dr tag u mir stöh ällei mitem tod da

d mönschä sötte lehrä mau loszlah

d angscht wines stück houz u tribt a mir vrbi

ig mues gar nüt bewisä ig wot numä si

dir chöit mr mini songs niemaus nä

d säubschtinszenierig beschränkt säch uf dä namä woni mr ha gä

mir sötte mau s paar büecher läsä

leider müessä mr no wartä bis mr nüechtern wärdä

doch ig gseh i di mönsche trifft ke schud

si dänke ig sig ir höu wäg dr brönnendä gedud

ig füelä mi frei autä weisch wiso

ohni ego giz nüt wo cha z heiss becho

mini gedankä erregä di geischt

u du chunsch zu mir u seisch

(hey römu du siech du räpsch ja geng dr glich schäiss)

ig bringä mini textä solang bis sä jedä vrsteit

----------

Eis Si

[Part]

ig schribä di parts zwüschä hie si und da

zwüschä nietzsche u kant zwüschä intrigä u macht

zwüschä liebi und hass zwüschä rich si u marx

zwüschä dirä und minerä art

zwüschä ärdä u sunnä zwüschä rägä u glungä

zwüschä hie bini und ig ha mi säuber ni gfungä

zwüschem häuä und dunklä zwüschä chläbä und gumpä

zwüschä gstrandet im tod und im läbä ertrunkä

zwüschä däm wo nur redt u däm wo nur lost

zwüschä klarheit im härz u näbu im chopf

zwüschem blick zudä stärnä und m fänster zum hof

zwüschä dr reis düre geischt und m täglechä brot

zwüschä wach si u tröimä zwüschä autem u nöiem

zwüschä aues erreichä und aues vrsöimä

zwüschä bewusstsi vränderä u party beröiä

zwüschä nihilismus und di am dasi erfröiä

zwüschä manisch u depressiv zwüschä haschisch u ecstasy

zwüschä schlapp si u energie

zwüschä ey ds isch mis fazit ig gseh iz wiä

und ey ig ha ke plan was mr redä hie

zwüschä änschgtlech und muet zwüschä lärm und dr rueh

zwüschä flüglä idr luft und värsä ir gluet

zwüschä däm wo du fingsch u däm wo du suechsch

-----------------------------------